يدخل رحبعام مع الشيوخ والشباب والشعب إلى القصر ويجلس على العرش. الشعب: مبارك يا جلالة الملك رحبعام . الشيوخ والشباب: مبروك مبروك يا جلالة الملك. المملكة كلها في سعادة لأن ابن الملك سليمان هو الملك على المملكة. الشعب: مبارك أيها الملك. الملك: شكراً لكم جميعاً، اتفضلوا على أشغالكم. (يخرج الشيوخ والأحداث ويبقى الشعب) الشعب: جلالة الملك رحبعام ، أحنا عندنا طلب ونلتمس منك أن توافق عليه. رحبعام: اتفضلوا اعرضوا طلبكم. الشعب: جلالة الملك سليمان والدك زود الحمل علينا في آخر أيام حياته، وإحنا تعبنا جداً. خفف الحمل عنا واحنا هنكون في خدمتك طول أيام حياتنا. رحبعام: تمام تمام، سيبوني 3 أيام أفكر في الموضوع وارجع أرد عليكم. (يخرج الشعب) يجلس رحبعام يفكر، وفي هذا الوقت يدخل الشيوخ. الشيوخ: سلام يا جلالة الملك. رحبعام: سلام. انا كنت هأطلبكم لأني كنت عايز اخد رأيكم في موضوع وانا عارف انكم كنتم مستشارين والدي الملك سليمان. الشيخ: اتفضل يا جلالة الملك، احنا في خدمتك. رحبعام: النهاردة كان عندي ممثلين عن الشعب وطلبوا مني أن أخفف عنهم الحمل والشغل الثقيل اللي كان والدي الملك سليمان حطه عليهم وشغلهم فيه. ايه رأيكم؟ احد الشيوخ: اسمع يا جلالة الملك. إذا خففت الحمل عن الشعب وكسبتهم وعاملتهم بطريقة كويسة هيخدموك ويحبوك ويكونوا مخلصين لك طول حياتهم. الشيخ التاني : أنا شايف كده برضه خفف عنهم الحمل وبكده هيحبوك ويطيعوك. رحبعام: تمام، شكراً ليكم. ثم يدخل الأحداث. رحبعام: أنا كنت هأطلبكم عشان عايز رأيكم في حاجة. الأحداث: قول يا جلالة الملك احنا نعرفك كويس واكيد هنفيدك. رحبعام: الشعب طلب مني أن أخفف الحمل عليهم وأريحهم من الشغل الثقيل اللي ابويا حطه عليهم. الأحداث: خلي الناس تعرف قوتك.الناس دي ترد عليهم وتقولهم الكلام ده.. لو أبويا الملك سليمان ثقل عليكم الحمل أنا حأزوده أكثر، واحد تاني منهم : ولو أبويا كان بيضربكم بالكرباج فأنا هاعذبكم اكتر واكتر. رحبعام: شكرا ليكم يا أصدقائي. كلامكم مهم جدا وعجبني اوي . يخرج الشباب… الراوي: وبعد ٣ ايام يدخل الشعب ومعهم يربعام . رحبعام بقسوة: طبعا انتو هنا علشان تسمعوا ردي! اسمعوا الكلام ده كويس: أنا مش هأخفف الحمل عليكم، لا !!! ده أنا هأزوده اكتر! ولو أبويا أدبكم بالكرباج فأنا هاعذبكم اكتر واكتر. فاهمين الكلام ده؟ الشعب بغضب: إيه هو الكلام ده؟ واحنا ايه اللي يخلينا نفضل في الممكلة دي؟ إحنا كنا فاكرينك ملك عادل! احنا كده ملناش نصيب في ممكلة داود ولا عاوزين نكون جزء منها!! (ينظر الشعب الي يربعام) احنا عايزين يربعام هو اللي يملك علينا.. احنا ملناش عيشة مع ملك ظالم زي رحبعام. (يخرج الشعب من أمام رحبعام وهم يهتفون ليربعام)