الأدوات:

١- ٤ كوب كبير بلاستيك شفاف.

٢- مشروب أسود (كولا أو بيبسي أو شاي بارد).

٣- ٢ إسفنجة صغيرة.

الخطوات:
١- إملأ أحد الأكواب بالماء، والكوب الآخر بالكولا، واترك الكوبين الباقيين فارغين.

٢- استخدم في أول التجربة كوب الكولا، وكوب فارغ، واسفنجة. 

٣- اشرح للأطفال" الودان واحد من آلات المهمة جدًا في المصنع ، وواحد من أهم أعضاء الجسم، لأنه بيستقبل حاجات كتير بتأثر عليك. يعني لو ودانك دايما بتسمع شتايم وتنمر وأغاني مليانة بالكلمات القبيحة (اعرض كوب الكولا ونزل داخله الاسفنجة) لما تيجي تتكلم أو تتصرف هتتصرف بحسب إللي سمعته...فلو بتسمع شتايم كلامك هيكون شتايم ( إبدا بعصر الاسفنجة داخل الكوب الفارغ) لو بتسمع أغاني أو كلام الأفلام إللي مليان  بألفاظ وحشة لما تحكي مع أصحابك هتلاقيهم بيتضايقوا من ألفاظك (أعد التجربة) وهكذا.. إللي ودانك بتسمعه كتير هو تلقائيا إللي هيكون بيخرج منك"

٤. استخدم كوب الماء والكوب الفارغ الآخر والاسفنجة الثانية. 

٥. علق : ونفس الحاجة بتحصل بالعكس لو عرفت تملا ودانك بكلاك نضيف وهادف وحلو طبيعي هتلاقي كلامك حلو والناس بتفرح لما بتسمعك. لما بتسمع ترانيم كتير وآيات من الكتاب المقدس هتلاقي نفسك بترددهم وتشجع بيهم ناس كتير ( ضع الاسفنجة داخل كوب الماء ثم اعصرها في الكوب الفارغ) لما بتسمع مزيكا جميلة تستمع بيها أو فيديوهات مفيدة هتلاقي نفسك في أي قعدة كلامك له قيمة والناس تستفيد من كلامك ( أعد التجربة) وهكذا.. عشان كده اطلب من الله انه يكرس ودانك ويعلمك ازاي ترفض تسمع حاجة لا تليق بيك كابن لربنا.