أجرى بسرعة ولَع النار فى الكوخ !
تعالوا بينا نروح لأحدى جزر اليونان وزى ما احنا عارفين الجزر دى
دايما معرضة للزلزال. احنا دلوقت فى جزيرة صغيرة ساكن فيها صياد
عجوز اسمه عم ماثيو مع حفيده جون. عم ماثيو العجوز ساكن فى كوخ فى
أعلى الجبل، وباقى الصيادين ساكنين أسفل الجبل. عم ماثيو كان راجل طيب
خالص وأهل الجزيرة كلهم بيحبوه وبيحبهم.
كان عم ماثيو دايما ينصح أهل الجزيرة انهم يبنوا الكوخ بتاعهم
فى اعلى الجبل
لأنه كان عارف خطر السكن بجوار الشاطئ فى أسفل الجبل. وفى يوم
من الأيام عم ماثيو
هو وحفيده جون جهزوا الشباك للصيد، ولما وصلوا الشاطئ بص
عم ماثيو إلى البحر
وعرف بخبرته ان فيه حاجة وحشة هتحصل. فكر عم ماثيو بسرعة وعلى
طول قال لجون : خد الكبريت ده واجرى بسرعة ولع النار فى الكوخ بتاعنا !
. ليه يا جدو؟! . اجرى قوام وبعدين هافهمك كل حاجة. اجرى بسرعة ما
تضيعش الوقت. جرى جون بكل سرعته وولع النار فى الكوخ والناس كلها
شافت الكوخ وهو بيتحرق ،وعم ماثيو قعد يصرخ فى الناس لكى يسرعوا
إلى الكوخ ليطفوا النار. والناس علشان كانوا بيحبوا عم ماثيو جروا وكل
واحد شايل شوية ميه علشان يطفوا النار. وعم ماثيو كان بيحمس الكل الصغير
قبل الكبير علشان يطلعوا يطفوا النار. وبعد لحظات قليلة حدث اضطراب شديد
فى البحر وعلت الأمواج وغطت جميع الأكواخ الموجودة على الشاطئ
وكسرتها ولكن نجا جميع سكان القرية من الموت بفضل تفكير عم ماثيو
الذى أنقذ جميع السكان على حساب حرق الكوخ بتاعه، ضحى
بكوخه لينقذ الآخرين.
ودى يا حلوين صورة مصغرة لما عمله الرب يسوع على الصليب. ما
ضحاش بكوخ زى عم ماثيو، لكن ضحى بنفسه. صلب ومات ودفن
فى القبر، لكنه قام فى اليوم الثالث. اتحمل كل الآلام علشانى وعشانكم.
يا ريت كلنا نقدر هذا العمل العظيم اللى عمله ربنا يسوع المسيح عشاننا ،
ونرحب بيه ليسكن فى قلوبنا ويمتعنا بالحياة الأبدية.
من مطبوعات لجنه خلاص النفوس للنشر