1. منذ قديم الزمان في كتابنا العظيم .. تنبأ وقال... قال ايه ..؟
بنوتة حلوة عذراء شابة جميلة مخطوبة. هتحبل وتولد ولد تكون الرياسة على كتفه وتدعو إسمه عمانوئيل.. إسمه عجيبًا مشيرًا الهًا قديرًا أبًا أبديًا رئيس السلام للسلام لا نهاية.
عرفتوا عن مين باتكلم .. ؟

2. بشارة من السماء
ملاك من عند ربنا لشابة مصلية من الناصرة .. خافت من كلامه وتحية السلام فطمنها الملاك... وقالها افرحي .. متخافيش يا مباركة... قالت في تواضع وخضوع أنا تحت أمر الرب زي ما قال يكون لي.. طوباك يامختارة 
عرفتوا عن مين باتكلم.. ؟

3. رجل المهمات الصعبة .. خاضع لأوامر سماوية..طاعة فورية بثقة إلهية .. حارس أمين.. حافظ السر بصمت عجيب .. مهمته صعبة بس مجيدة ..لقب بالجندي المجهول.. شغلته نجار بافتخار 
عرفتوا عن مين باتكلم.. ؟

4. اتنين حلوين .. جت لهم فرحة من السما بولد.. جابها الملاك .. الشيخ يا خبر ازاي..  عقوبته الخرس.. كلامه بقا إشارات.. هي كان لقبها العاقر ..مكسوفة ومدارية ..أم ربي تجيني أنا .. 
عرفتوا عن مين باتكلم.. ؟

5. احتفال سماوي وكمان أرضى مع غلابة سهرانين .. حراس تعبانين سمعوا خبر بفرح عظيم وجنود من السما مهللين بالسلام والمجد مسبحين 
عرفتوا عن مين باتكلم. .. ؟

6. من بعيد جايين .. حكما وفي الفلك فاهمين .. شاطرين دارسين عارفين الأسرار .. يااالابينا نروح ..طلعوا جبال .. ونزلوا بحار.. وورا النجم  ماشيين .. راحوا فرحانين يشوفوا الصبي بتواضع راكعين.. وهدايا مقدمين
عرفتوا عن مين باتكلم... ؟


الإجابات :

1. أشعياء النبي
                   
2. القديسة العذراء مريم
         
3. يوسف النجار

4. زكريا وأليصابات

5. الرعاة

6. المجوس