اللعبة دي ممتازة في التعارف في الفصول الجديدة في مدارس الأحد بالأخص للسن الكبير أو إعدادي وهاتساعدك أنك تتعرف على الأولاد أكتر وتعرف معلومات هاتساعدك في السنة الجديدة وتحضير الدروس الخاصة بيها والتطبيقات العملية في كل درس.
وزع النموذج المرفق على الأولاد واطلب منهم أنهم يملوه بدون كتابة اسم.
أجمع الأوراق وابدأ في قراءة بعض المعلومات منها بصوت عالي وخمن مين الولد أو البنت صاحبة الورقة.
ممكن تعمل لجنة تخمين مع باقي خدام الفصل.
كل ما تخمن صح أكتب اسم الطفل على الورقة وأحتفظ بيها عشان المعلومات هاتحتاجها بعدين.
في الورقة هاتلاقي ترتيب الولد وسط أخواته، وهاتعرف أسماء أصحابه مين، وهاتعرف إيه أكبر التحديات إللي بتقابله وهاتعرف هو موجود فين على منصات التواصل الاجتماعي وإيه أكتر حاجة بيحبها في مدارس الأحد واعدادي.