شباب اعدادى .. من اكتر الموضوعات إللى بتشغلهم .. هى الأصحاب.

شويه أفكار ممكن تساعدك تقدم الفكرة دى بسهولة...

1. الحبل

الفكرة .. الصاحب ساحب ..

جرب تلعب لعبة شد الحبل مع الشباب . كل شاب مع أصحابه .

ببساطة.. هتلاقى أصحابك بيشدوك .. لناحيتهم بسهولة .. وده بالظبط أول درس مهم أصحابنا بيشدونا ناحيتهم ..

عشان كده الكتاب المقدس بيقول "لا تكونوا تحت نير مع غير المؤمنين، لأنه أي شركة للبر مع الإثم؟ وأي معاشرة للنور مع الظلمة؟" (2 كورنثوس 6:14).

عشان كده الكتاب بيقول مينفعش أكون مع غير المؤمنين عشان هيشدونى تجاهم .. اختار اصحابك يكونوا أولاد الله

2.طماطماية

عارف لو قفص طماطم كبير بس واحدة بس بايظة عندها قدرة انها تبوظ كل القفص ..بالظبط برده  لو عندك صفات جميلة كتيرة قد القفص بس عندك صاحب مش كويس.. قادر إنه يبوظ كل الصفات دى ..

المعاشرات الرديَّة تُفسِد الأخلاق الجيدة" (1 كورنثوس 15:33).

خد بالك واختار صاحبك

3.المغناطيس:

عارف .. المغناطيس دوره يجذب ويشد أى معادن

صاحبك شبه المغناطيس ده .. يخليك تاخد بالك من حاجات معينة ويشدها ليك .. فلو كان مغناطيس حلو هيشد الحاجات الجميلة . زى الصلاة . الصوم .. الكلام الحلو .. حضور الكنيسة ولو كان مغناطيس وحش .. هيشد حاجات لا تليق بانى اكون ابن الله ..

"السالك مع الحكماء يصير حكيمًا، ورفيق الجهال يُضَرُّ" (أمثال 13:20). ركز واختار

4.المراية:

صاحبك مرايتك .. لو مراية حلوة وامينة هتشاور على الحاجات إللى محتاجه تتغير ويساعدنى اتغير .. ولو العكس .. يمكن كمان ينقل لى صورة وحشة أو غلط عن نفسى

"طوبى للرجل الذي لم يسلك في مشورة الأشرار، وفي طريق الخطاة لم يقف، وفي مجلس المستهزئين لم يجلس" (مزمور 1:1).

اختار...

طبعا دى أفكار قليلة جدا عن الموضوع ده اختار إللى يناسبك وممكن كمان تزود اللى يناسبك انت خادم مميز مجتهد .. والرب يكافئ تعبك