الأدوات المطلوبة : إناء زجاجي كبير ( ممكن حوض سمك صغير ) متسخ من الداخل – تفاحة – اسفنجة –ماء - خل – جلانس 

الخطوات :

1- ضع الإناء أمام الأولاد على مسافة منهم وضع داخله التفاحةواسالهم هل الإناء نضيف؟ واسمع اجاباتهم

2- مين عايز ياكل التفاحة إللي جواه ؟

3- تعالوا ننضف الإناء ( ابدأ باستخدام الاسفنجة والماء ونضفه من بره وحاول كتير ) ... هل نضف ؟

4- وبعدين نضفه بالخل ... وبعدين بالجلانس ... هل نضف ؟

المشكلة فين ؟

المشكلة من جوه مش من بره .. محتاج يتنضف من جوه

جرب نضفه من جوه لحر ما ينضف خالص .

التعليق : كتير بنحاول نهتم بمنظرنا وبشكلنا من بره لكن كلامنا وأفكارنا وتصرفاتنا بتكون برضه وحشة ...أصل المشكلة مش في الشكل إللي بره لكن المشكلة في القلب

لو قلبك مش نضيف ومفيهوش مخافة ربنا هتفضل كل حاجة بتعملها من بره مالهاش لازمة ومش هتعمل الفرق ... لكن لما تيجي ليسوع وتصلي وتقولله نضف قلبي خليني أخافك ساعتها كل كلماتك وتصرفاتك هتكون جميلة وبتمجد ربنا.

الآية : "اَلإِنْسَانُ الصَّالِحُ مِنْ كَنْزِ قَلْبِهِ الصَّالِحِ يُخْرِجُ الصَّلاَحَ، وَالإِنْسَانُ الشِّرِّيرُ مِنْ كَنْزِ قَلْبِهِ الشِّرِّيرِ يُخْرِجُ الشَّرَّ. فَإِنَّهُ مِنْ فَضْلَةِ الْقَلْبِ يَتَكَلَّمُ فَمُهُ. " لوقا 6 : 45

          "قَلْبًا نَقِيًّا اخْلُقْ فِيَّ يَا اَللهُ." مز 51 : 10

©www.madareselahad.org