كتير بنحتار هانعلم الأولاد إيه في المؤتمرات؟ .. بنكون عايزين نقدم فكرة جديدة وشيقة وفي نفس الوقت تكون مفيدة للأولاد...
 

بنشجعك أنك فكرة مؤتمر "عيشها سماوي" هاتساعدك تقدم فكرة جديدة بطريقة شيقة.. بنشجعك أنك تبتكر وتضيف أفكار جديدة من عندك وتنفذها 

اسم المؤتمر:      

عيشها سماوي

أية الشعار:

(يوحنا ١٧:٣) وهذه هي الحياة الابدية ان يعرفوك انت الإله الحقيقي وحدك ويسوع المسيح الذي ارسلته

الهدف:

• ان الاولاد يعرفوا ان في حاجة اسمها سما والحياة الابدية

• ويفهموا ان ينفع أبدأ اعيش السما من هنا على الأرض بالعلاقة مع الرب يسوع

• وازاي اكون انسان سماوي من وانا هنا على الازض

السن:

5 و 6 إبتدائي  واعدادي

الخدمات: (6 خدمات)

١-اعمل ايه عشان اروح السما: خدمة خلاصية/كرازية

قبول دم المسيح وعمل الصليب

خدمة+وقت صلاة

٢-شكل السما

هنعمل ايه فيها (رؤية ٢١)

ينفع ابتدي اعيش الحياة الابدية من هنا على الارض

خدمة+وقت صلاة

٣-الانسان السماوي :

صفاته

مبادئه وقيمه (انا مش تبع منظومة العالم لكن مبادئ الملكوت هي اللي بتحكمني)

خدمة+وقت صلاة

٤-تأثير الإنسان السماوي

لازم يكون مختلف بسلوكه

اوقات بيحتاج انه يختار اختيارات معينة فيها تضحية

خدمة+وقت صلاة

٥-نماذج ملهمة

قسمنا المؤتمر على أربع مجموعات كل مجموعة باسم واحد من أبطال الكتاب اللي عرفوا يعيشوا سماويين ومؤثرين من صغرهم (دانيال-يوسف-صمويل-الفتاة المسبية)

في الخدمة دي كل مجموعة قدمت presentation مدته ١٠ دقايق PowerPoint تحكي فيها نبذة عن الشخصية بتاعته ازاي كان بيعيش لربنا في أيام صعبة وازاي كانوا مؤثرين وبعدها خادم قاد وقت صلاة بناءا على اللي قدموه الاولاد

٦-الخدمة الاخيرة

اتكلمنا عن الاكاليل والمكافآت اللي هتكون في السما

خدمة+وقت صلاة

ملاحظات إسترشادية:

**هدية المؤتمر نوتة معمولة بالخشب محفور عليها شعار المؤتمر واتوزعت اول يوم في المؤتمر عشان الاولاد يكتبوا فيها الخدمات (صورة الهدية)

**كل مجموعة من المجموعات الأربعة (دانيال-يوسف-صمويل-الفتاة المسبية) كانت مسئولة عن قيادة برنامج اليوم والمواعيد وتقديم فقرات خاصة بيها وده عمل جو من المنافسة بين الاولاد وفي نفس الوقت خلاهم يدرسوا الشخصية كويس يعيشوها وعملنا حفلة في آخر ليلة كل مجموعة قدمت فقرات مختلفة من ترانيم او فيديوهات او اسكتشات او شعار للاسرة بجانب ال presentation اللي أتقدم في الخدمة وكان في لجنة تقييم طلعت كل مجموعة كانت افضل في ايه

**عملنا قطعة حفظ (عب ١١) بدأوا حفظها من قبل المؤتمر واللي سمع كان بيزود درجات مجموعته

فقرات السهرة بليل كانت العاب رياضية منظمها فريق رياضي بجانب فقرة البسين في ظهرا

** بوستر المؤتمر متاح للتحميل بالأسفل بالإضافة إلى ملف PDF فيه فكرة المؤتمر عشان تشارك بيها الخدام مباشرة.

من إعداد مدارس الأحد بجمعية خلاص النفوس – قلتة – أسيوط

تقدر تشاركنا بأفكار لمؤتمرك وتبعتهالنا عشان تتنشر.. ابعتلنا في رسالة على الصفحة او على info@madareselahad.org

للمزيد من مناهج المؤتمرات أضغط هنا