اسكتشات كتابية الرئيسية » مسرحيات » اسكتشات كتابية قصة دبورة 11/4/2018 14546 الشخصيات: الراوي – الله – دبورة – باراق – ياعيل الراوي: عشرين سنة دي مدة طويلة قوي. لمدة عشرين سنة كان شعب إسرائيل مستعبد لملك غريب، والملك يابين وقائد الجيش بتاعه سيسرا كانوا بيعاملوا شعب إسرائيل بطريقة وحشة جداً. لكن الله بعت دبورة عشان ينقذهم الله: يا دبورة... إنتي خدمتيني كويس قوي وإنتي قاضية لإسرائيل وكنتي حكيمة في حل مشاكلهم. ودلوقتي أنا عندي مهمة تانية ليكي .أنا عايزك تدعي باراق وتجيبيه عشان تقوليله كلامي دبورة: حاضر يارب أنا هاعمل إللي إنت عايزه الراوي: وسمعت دبورة كلام الله وبعتت لباراق دبورة: يا باراق،الرب إله إسرائيل بيأمرك إنك لازم تاخد 10000 راجل معاك وتروح لجبل تابور والله هايحط سيسرا في فخ وهايجيبه هو و900عربية حربية وجنوده عند النهر، وهناك الرب هايسلمهم ليك. باراق: لكن يا دبورة سيسرا وجيشه أقوى من شعب إسرائيل بكتيير، وإحنا معندناش 900 عربية حربية. لو إنتي هاتروحي معايا أنا هاروح، لكن لو ماروحتيش أنا مش هاروح دبورة: خلاص أنا هاروح معاك. لكن عشان طريقتك دي مش هايكون ليك أي فخر والله هايسلم سيسرا لواحدة ست باراق: أنا هاروح أجيب 10000 راجل عشان ييجوا معانا الراوي: وجمع باراق الرجالة ورجع لدبورة باراق إحنا جاهزيين عشان نحارب يا دبورة دبورة: يالا بينا، والرب هايحط سيسرا بين ايديك يا باراق باراق: أنا والرجالة إللي معايا هانحارب سيسرا عشان الرب الراوي: ولما كان باراق والرجالة إللي معاه رايحين ناحية جيش سيسرا. حصلت مفاجأة.. باراق: بصوا...العربيات الحربية بتاعت سيسرا وجيشه متشتتين، يالا إلحقوهم ... وسيسرا ساب العربية الحربية بتاعته و هربان على رجليه ... هو مش هيقدر يهرب لبعيد من غير العربية الحربية بتاعته ... ياللا دوروا عليه وهاتوه الراوي: ولما كان باراق بيطارد سيسرا شاف واحدة ست قاعدة قدام الخيمة بتاعتها باراق: إنتي ياللي قاعدة قدام الخيمة، إنتي مين؟ ياعيل: أنا ياعيل مرات حابر القيني. إتفضل أدخل الخيمة عشان أوريك الراجل إللي إنت بتدور عليه (صوت الخيمة وهى بتتفتح) باراق: إنتي عارفة مين الراجل ده؟ ده قائد الجيش إللي كان مستعبد شعب إسرائيل لمدة عشرين سنة. إنتي قتلتي سيسرا عدو الله وشعب إسرائيل الراوي: ولما سمعت دبورة أن سيسرا مات. قادت شعب إسرائيل في إحتفال الراوي: لو عايز تعرف أكتر عن الوقت إللي الله خلص فيه شعب إسرائيل من الملوك الأجنبية، إقرا سفر القضاة في العهد القديم في الكتاب المقدس مترجم من : www.kidscorner.net © www.madareselahad.org