وسيلة ايضاح بسيطة لتقديم القصص
يتم عمل صورة مرسومة او مطبوعة لكل شخصية في القصة منفردة
الصور دي بتتعلق علي حبل كل واحدة بمشبك غسيل وفقا لترتيب تواردها في القصة
و يقف المدرس خلفهم وهو يحكي الحكاية
(مستوي الحبل يكون عند رأس المدرس علشان شوية شوية هو هيختفي من المشهد ورا العرايس ليركز الاطفال بالتمام مع العرائس المصورة)
المدرس بيرتب العرايس مسبقا حسب ترتيب ظهورهم في العرض علشان مايقعدش يدوّر علي العروسة اللي هو عاوزها وقت العرض
العروسة بتتعمل علي وشين .. وش سعيد ووش حزين او حسب حالتها في القصة
مثلا في قصة السامري الصالح
الكاهن واللاوي يتعرضوا علي الوش السعيد الاول وهما جايين من اول الحبل وتتقلب العروسة علي الوش الحزين لما يقابلوا المسافر المجروح لكنهم مشيوا ومعملوش حاجة (يتم فك المشابك ويتم تعديتهم علي المسافر ويتعلقوا تاني بعد المسافر و يتم ازاحتهم او تحريكهم و هم معلقين على الحبل بمشابكهم كأنهم ماشيين )
المسافر يتحط الاول علي الوش السعيد وبعد ما يقابل الاشرار يتقلب علي الحزين و المجروح
كل شخصية تنهي دورها تتشال بمشبكها ويتم ركنها على جنب بعيد عن نظر الأطفال