الفكرة ممكن تتقدم في حفلة دخول المدارس
الهدف : توصيل أهمية المدرسة وما الغرض من دراسة عدة مواد مختلفة
دايما في مدارس الأحد الأولاد بيتذمروا من المدرسة ودايما يقولوا المدرسين بيدونا واجبات كتير قوي واحنا مش عارفين إيه لازمتها وهانعمل بيها ايه كمان ليه ماذاكرش المادة اللي باحبها بس وباقي المواد لا !
ومن خلال الدرس العملي هانوصل ليهم ان المواد الكتير اللي بناخدها كلها هاتفيدنا وكلها لازم تكون مع بعض ومن خلالها احنا هانكون متعلمين وبنقدر نفهم كذا حاجة...
الأدوات :
فول مدشوش – بقدونس - كزبرة- ثوم - بصل - ملح - ماكينة فرم
يتم تجهيز الخامات قبل أن تدخل المدرسة ويفضل وجود ماكينة فرم الطعمية اليدوية وان لم توجد يمكن الاستعانه بالماكينة الكهربائية
في البداية تقوم المدرسة بمحاولة جعل الأولاد يقومون بتخمين نوع الاكله التي سيجهزونها في المطبخ وتصفها لهم وبعد ذلك تخبرهم عليها وتقوم بسؤال الاولاد عن ما هي مكونات الطعمية وإيه الحاجات اللي بتكون فيها ... ممكن يقولوا فول وحمص وخضرة ..... وتسألهم كيف نقوم بأعدادها وتجعل الأولاد يضعون المكونات معا وبعد خلطها معا يضعوها في المفرمة لو كانت يدويه يفضل أن يجرب الاولاد ان يقوموا بلفها ليروا اذا كانت امر سهل ام صعب وبعد ان يقوموا بفرمها تخبرهم انه عليهم بعد ذلك وضعها في الزيت لتخرج الطعمية جاهزة للأكل وبعد كده ممكن تسمي كل مكون من مكونات بمواد دراسية بيدرسها الاولاد فمثلا الفول عربي الخضره انجليزي ... ونقولوهم انه لازم ناخدهم كلهم ونذاكرهم وانه زي ما المفرمة كانت جامده احنا كمان لازم نتعب في المذاكره علشان في الاخر النتيجه تكون حلوة ولو ماتوفرتش الماكينة اليدوية وكانت الكهربية ممكن نحاول نبين انه محتاجين قوه اللي هي الكهرباء انها تحرك المفرمة وتخليها تفرم المكونات مع بعض وتطلع لينا الطعمية اللي كلنا بنحبها وكمان لو حاولنا ناخد كل حاجة لوحدها مش هاتطلع طعمية ولو ماتعبناش في فرمها مش هانعرف ناكلهم كلهم مع بعض ويكونوا حلوين بالعكس هاتكون حاجة مبهدلة خالص وملهاش فايدة ولا طعم .